HomeTelugu reviews

మధుర జ్ఞాపకం నేలకొరగడంతో అమితాబ్ బచ్చన్ భావోద్వేగం
Published By :  Divya Valluru Image Image
Amitabh Bachchan feel bad about Gul Mehar tree fall In Prateeksha
Monday Jul 06, 2020
కరోనా విలయతాండవం చేస్తున్న ముంబై నగరాన్ని కొన్ని రోజులుగా వర్షాలు ముంచెత్తుతున్నాయి. గత రెండు రోజులుగా ఎడతెరిపి లేకుండా కురుస్తున్న భారీ వర్షాలకు మహానగరంలో పెద్ద వృక్షాలు సైతం నేలకొరుగుతున్నాయి. బాలీవుడ్ మెగాస్టార్ అమితాబ్ బచ్చన్ నివాసం ఉండే ‘ప్రతీక్ష’లో కూడా ఓ గుల్ మొహర్ చెట్టు వేళ్లతో సహా పెకలించుకుని కూలిపోయింది. దాంతో ఆయన ఎంతో ఆవేదన చెందారు.  ఆ చెట్టుతో పెనవేసుకున్న తన అనుబంధాన్ని అక్షరాల రూపంలో వెల్లడించారు.

"మా కుటుంబంతో 43ఏళ్ల అనుబంధం ఉన్న గుల్ మెహర్ చెట్టు ఇన్నేళ్లు మాకు ఎన్నో సేవలందించి నేడు స్వచ్ఛందంగా తలవాల్చింది. ఈ ఇంట్లోకి వచ్చినప్పుడు నాటిన మొక్క.. చెట్టుగా మారి మాకు ఆనందాన్ని పంచింది. మా ఇంట్లో ఏ పండుగ, శుభకార్యం, వేడుకలన్నీ ఆ చెట్టు కిందే జరిగాయి. అభిషేక్  – ఐశ్వర్య పెళ్లి కూడా ఆ చెట్టు కిందే జరిగింది. మా పిల్లలు కూడా ఆ చెట్టు నీడలోనే ఆడుకుని పెరిగి పెద్దవాళ్లయ్యారు. ఇంతటి అనుబంధాన్ని మాతో పెనవేసుకున్న ఆ చెట్టు ఈరోజు నేలకొరగడం మనసును ఎంతో బాధ కలిగిస్తోంది. ఎన్నో మధురానుభూతులను పెనవేసుకున్న ఆ చెట్టు కొమ్మలు నేలకొరిగిన క్షణాన ఇంట్లో పెద్దవాళ్లు పోయినంత బాధ కలుగుతోంది" అని తన ఆవేదన పంచుకున్నారు. ప్రస్తుతం బిగ్ బీ పోస్టుకి నెటిజన్ల నుంచి ఆత్మీయ పలకరింపు వస్తోంది. 

అమితాబ్ తండ్రి, ప్రముఖ కవి హరివంశ్ రాయ్ బచ్చన్ రాసిన ఓ కవిత పేరు ‘ప్రతీక్ష’. అదే పేరును అమితాబ్ తన నివాసానికి పెట్టుకున్నారు.

   Politics

   Lifestyle