HomeTelugu cinema

భీష్మ ఏకాదశి సందర్భంగా భీష్మాచార్యగా నందమూరి బాలకృష్ణ
Published By :  Divya Valluru Image Image
Nandamuri Balakrishna as Bheeshmacharya from NTR Kathanayakudu movie
Tuesday Feb 23, 2021
టాలీవుడ్ నటసింహం నందమూరి బాలకృష్ణ హీరోగా తన తండ్రి నందమూరి తారకరామారావు నటజీవితం ఆధారంగా 'ఎన్టీఆర్ కథానాయకుడు' చిత్రం తీసిన విషయం విదితమే. ఈ సినిమాలో బాలకృష్ణ భీష్ముడి పాత్ర కూడా పోషించారు. అయితే సినిమా నిడివి పెరగడంతో భీష్ముడి పాత్రలకు సంబంధించిన సన్నివేశాలను తొలగించారు. నేడు భీష్మ ఏకాదశి సందర్భంగా బాలకృష్ణ తాను భీష్ముని పాత్రలో నటించిన స్టిల్స్ విడుదల చేశారు.

ఈ సందర్భంగా నందమూరి బాలకృష్ణ మాట్లాడుతూ.. ‘‘భీష్మ పాత్రంటే నాకెంతో ఇష్టం. నాన్న గారు, ఆయన వయసుకి మించిన భీష్మ పాత్ర పోషించి ప్రేక్షకుల విశేష ఆదరాభిమానాలను అందుకున్నారు. ఆ చిత్రం, అందులో నాన్నగారు నటించిన భీష్ముని పాత్ర అంటే నాకెంతో ఇష్టం. అందుకనే ‘ఎన్టీఆర్ కథానాయకుడు’ చిత్రంలో భీష్ముని సన్నివేశాలు తీశాము. అందులో నేను భీష్మునిగా నటించాను. అయితే నిడివి ఎక్కువ అవడం వలన ఆ చిత్రంలో ఆ సన్నివేశాలు ఉంచడం కుదరలేదు. ఇవాళ భీష్మ ఏకాదశి పర్వదిన సందర్భంగా ఆ పాత్రకి సంబంధించిన ఫోటోలను ప్రేక్షకులతో, అభిమానులతో పంచుకోవాలనుకుంటున్నాను’’.. అన్నారు.

   Politics

   Lifestyle